يشرفني وقوفي عند تاج الملك

الشاعر معيض بن زايد الوادعي ينظُم قصيدة شعرية مهداة الى مقام سيدي صاحب السمو الملكي الأمير تركي بن طلال بن عبدالعزيز امير منطقة عسير
حباً ووفاءً لمايقدمه من جهود جباره لمنطقة عسير .

…………. يشرفني. وقوفي عند تاج الملك …………

عليك الله توكلت .. وطلبت العفو .. بك سميت
واعوذ بقدرتك .. من شر حسادي ..وأبو غموز
انا شاعر .. وادور للفريدة .. كل ما هميت
على شان المواقيف الكبيرة .. والعرب ورموز
الا يا روح شعر القافية .. واسبابها .. ونيّت
عليش الله عطيني .. من روائع كنزش .. المرموز
اريد اكتب قصيدة في طويل العمر اذا غنيت
اطول بها سحاب ابها .. واعانق في سماه الفوز
يشرفني وقوفي .. عند تاج الملك .. اذا بثّيت
روائع .. ما كتبها كل شاعر .. والسيوف تهوز
اروضها غلاء .. في حضرت اللي له مقام وبيت
رفيع القدر .. تركي بن طلال .. الفخر له مركوز
قسم بالله .. رب البيت .. خالقني .. وله صليت
عجزت اكتب معا ذلك شعوري والحقوق تعوز
اشوف بعيني التاريخ .. والامجاد الا من جيت
مجالس حكم .. فيها للعداله صولجه .. وكنوز
معاها يعجز الشاعر .. يصور ما يشوف ..وليت
بحور الشعر تستوعب جواهر عمقها المقزوز
زرع في المنطقة روح الثقة والسّلم له تسميت
بناه وساق غيثه وازهرت بعده غصون الروز
بسط وجه العدالة للجميع .. وثبّته تثبيت
على الشكل الصحيح اللي تبيه الناس به مرموز
وقطع يد الفساد وحارب اهل الزور والتفتيت
وحقق للمواطن حلم كانه صعب في تموز
معه غنت جبال السوده وقصر السحاب يبيت
يفاخر به مع تهامه .. وتحسدها جبال اللوز
انا عندي رساله .. ودي انها تاصله .. وابطيت
ابستاذن سموه .. في عنان المفرده .. والجوز
ابرسلها رسالة شكر .. للقاده .. حماة البيت
ملكنا اللي غلاه اغلى من الانفس مع المكنوز
اخاطب فيه حزمه والعزم والحلم والتبتيت
شبيه الفرقدين وصافي المعدن .. ولا به خوز
مع الشكر العظيم .. اقول لك يا سيدي دليت
ضفاف قلوبنا .. واهديتنا روح الوفا المحروز
كما نشكر ولي العهد.. قائد مركب التوقيت
سليل المجد سيف الفخر حبه في القلوب ينوز
لك الشكر الجزيل الي لنا من شجرتك حطيت
اميرٍ له على الدنيا شداد .. وفهرسه مرزوز
تناطح به جميع المعضلات .. وبالوعد وفيت
غصون التنميه تنمو وغصن المفسده مجزوز
ولك ياسيدي تركي .. كلام .. ما يبي تصويت
لأنّا .. شعب واحد .. ما تخللنا حزب .. ودروز
كرام من كرام .. يحفظون اللي لهم سويت
نفاخر بك على الدنيا .. ونبقى سيفك المرجوز
حماة للوطن ضد العداء ما نقبل التفويت
عليه نخاف من غدر العميل .. اللي لنا مدزوز
وطنى .. له علينا حق .. مهما بحت او كنيت
بنبقى ..مهره الغالي .. ونلجم كل فاه وبوز
عسى الله يرحم الي أسسه من قبل عصر الزيت
ابو تركي .. معزي .. جعله الجنة وهي له حوز
على عهده ملوك المجد حطو له سنام وصيت
بعد ذيك البداوة والجمل نركب فضاء وبنوز
جميع الشعب ..جنٌد للملك لو كان له ناديت
على حد الوطن نبني جدار .. ما بهم مهزوز
نغني للسماء فرحة ونشطب حالة التصميت
نعانق فرحة النصرين .. ما نهتم في النيروز
الا يا سيد المعنى .. تسمع لي .. اذا ابليت
واذا قصرت سامحني على التقصير بالمنجوز
اذا هذي الحروف تسد ولّا جعلها الكبريت
ابدلها بدمي .. حب .. نهره في الصدر محجوز
…………………….
الشاعر / معيض علي بن زايد ال سلمه الوادعي

=========

شاهد أيضاً

الغربي: هدفنا رفع مساهمة الأسر في الناتج المحلي غير النفطي
 
جمعية الأسر الاقتصادية تساهم في توطين مهنة الاستشارات التعليمية بمبادرة #من_أجل_وطننا

صحيفة عسير _ يحيى مشافي في إطار سعيها لخلق فرض استثمارية نوعية لأبناء مستفيديها، وانطلاقاً …

%d مدونون معجبون بهذه: