عسير صحيفة عسير الإلكترونية
شعر : علي محمد فهاد المشعلي
بذكر رب المخاليق ابتدينا
واحد كل الخلايق يذكرونه
نشكره في كل وقت وكل حينا
ونلتجي بحماه من درب المهونه
وجّه لساني على القول الثمينا
بعد سحب الشعر هلت لي مزونه
بعد تسعين وثلاث من السنينا
نفتخر بالدار والأم الحنونه
الوطن غالي وله حق علينا
نبذل الغالي ونحماه ونصونه
مع مرور الوقت وظروف السنينا
والوطن شامخ وثابت (ن) ركونه
بفضل ربي وجهد الغانمينا
الرجال اللي تسوق النفس دونه
ابتدى الرحلة إمام المسلمينا
راجي من ربه اسباب المعونه
وقال ابو تركي بعون الله نوينا
ومن نوى بالخير كان الله بعونه
واتكل با الله ومعه الطيبينا
بالسلاح وباالعتاد وبالمؤونة
وكل قاسي من فضل ربي يلينا
وعانه المولى ولا خيّب ظنونه
أسس المبنى على تقوى ودينا
والملوك اللي توالو يعمرونه
وساد نور الخير والحق المبينا
والجهل قفّى وهو يسحب ردونه
واصبحت درّة تسر الناظرينا
وكل منصف بالرخا تشهد عيونه
عانقت بالعز نجم الفرقدينا
وكل طيرٍ بالسعد غنّى لحونه
تحت حكم الحق والسيف السنينا
عاشت بلادي على عز ومصونه
بحكم سلمان بالحق اعتلينا
وبرؤية محمد عسى ربي يصونه
اعتلينا بالحضارة وارتقينا
والسعودي سيّد المجد وزبونه
دام عزك ياوطن في كل حينا
في حكم من قام في حقه وشونه
وياصلاة الله لسيد المرسلينا
عد برقٍ لاح وانهلت مزونه
