دار الأبرار

بقلم: علي مهدي العمري

 

تدري وش اللي يدخلك ….دار الابرار
البر والتوحيد والفرض ……..صلّه

وتدري وش اللي يدخل ابن آدم النار
الظلم والعدوان ……والشرك بالله

وتدري وش اللي يرفعك بين الاخيار
لاصار فيك الخير طبع …..وجبلّه

وتدري وش اللي يلحق اللوم والعار
البخل واخلاف الوعد ….والمذلّه

وتدري وش اللي يجعل الخير مدرار
الشكر للمنان دقّه ……..وجلّه

وتدري وش اللي ينفعك وقت الاخطار
معروف سويته وجا……. في محلّه

والصدق يجعل لك مع اهل الوفا كار
انعم بها خصله ……..على كل ملّة

تلقا بها حشمه ورفعه ……ومقدار
وبالآخره مع النبي ……..والأجلّه

ننصح وربي عالم بكل ….الاسرار
ونوجه التايه ولله …….ندله

انا المقيم على الخطا وانت ستار
لكن عفوك يشمل الذنب ….كلّه

يالله يالمعبود يالنافع ….الضار
اسألك غفرانك على كل …..زلّة

علي مهدي العمري
أبو فراس

شاهد أيضاً

مؤسسة الرّخ الإماراتية تبحث التعاون مع المصمم العالمي ريان عبد الله

صحيفة عسير _ يحيى مشافي بحثت مؤسسة الرخ الإماراتية للنشر مع المصمم العالمي البروفيسور ريان …

WP Twitter Auto Publish Powered By : XYZScripts.com