رسالة الحزم

IMG-20150811-WA0005

الفخر والناموس والعزم والشأن.
ماهي بضاعة من بغاها شرها.

مسيومةٍ في كل محفل وميدان.
إلا المراجل لاتدّور سواها.

ذيك الهِمَم مستوطنةوسط الأبدان
اللي ولاها للوطن وانتما ها.

تلّجِم مغاوير الوغى كل عدوان.
تحزّموا فيها ولبّوا نداها.

الجيش تاريخٍ تحاكيه الأزمان.
يشهد بالإنّجازات وش مستواها.

حنّا نفاخر به ونفخر بسلمان
من للعرب هيّبَة ودرعٍ وجاها

ياللي حمل روحه على كف الأوطان.
حلّقْ مع (الشاهين)بأعلى سماها.

شعاره إمّا نصر تبقيه الازمان
والا..الشهادة..عِزّةٍ من لقاهـــا

يقدم حياض الموت بجنود شجعان.
صانت حدودك ياوطن واحتماها

زلزل غُزاةٍ ..خاينة.. شرّها بان
اذناب فارس كم.. تزايد بلاها

قَصَفْ معاقلهم وخيّب رجا ايران.
أثبت ..ثباته ..قُدّرته وانتباها

امسى الردي الحوثي ذليّلٍ وخسران
ينّد س باكهوفٍ سنين ٍ براها

واصبح علي عفاش يهذي وقلقان
كثرة هواجيسْ اوحلومٍ يراهـــا

جحورهم صاروا بها مثل جرذان.
أجفانهم نوم الهنا ما لفاها

هذي نهاية من طَعَن ظهرجيران
عادت لصدره خنجره واصطلاها

رسالةٍ مضمونها الحزم عنوان
واللي يدق الباب يسمع صداها

سلام للجيش السعودي وعرفان..
لعموم قواته ..ومنهو.. بناهـــا

سلام واتحية تقادح كنيران
لابطال ذادت عن وطنها ابدماها.

#أحمدناصر
آل عواض ـ أبها>

شاهد أيضاً

جمعية الثقافة والفنون ببيشة تحتفي باليوم العالمي للمسرح

صحيفة عسير – هياء آل ظافر : احتفلت جمعية الثقافة والفنون بمحافظة بيشة باليوم العالمي …

5 تعليقات

  1. شكرا لك يابوناصروصح لسانك وانت رمز وفخر ومعدن من معادن الرجال فديتك فديتك..

  2. صح لسانك أستاذ أحمد والوطن غالي ويستحق الفداء من أسود الحرمين وحامين السنة… للأمام ياشاعرنا وأديبنا… تحياتي لك /محبك سعيد ناصر معتق عسيري

  3. صح لسانك يابو عبدالله ماهي غريبة عليك مثل هذة الحروف الجزلة وهذا الموقف العظيم

WP Twitter Auto Publish Powered By : XYZScripts.com