عسير صحيفة عسير الإلكترونية
ضيف الله يغني على فايتٍ فات
ياوجد حالي وجد ياشيب عيني
وهموم قلبي ياعرب راحت وجات
واتركزت مابين صدري وبيني
طال السفر غنيتها في تلفات
واصيح من همي سوات السجيني
جيت الديار وشفتها تصرخ آهات
مدري عن اللي صار والله يعيني
تغيرت واللي عرفناهم أموات
وماعاد يمديني أهدي كنيني
راح العمر بين المدن والمطارات
واليوم جيت ومدري الصدق ويني
شفت القصور الخاويه مابها أصوات
ناديت لكن قصر الصوت فيني
يا وجد ضيف الله وجود المعانات
في غربتي في قصتي في حنيني
في جبال باللحمر شموخ السروات
ضميتها في عيني وفي يديني
وشوفة ربوع الدار وأغلى الهديات
قرة عيوني شوفتي والديني
اللي بشوفتهم تهون المسافات
وبوجيههم غاية مناي ويقيني
لو ان عمري ينهدا كان بالذات
اعطيتهم بالنصف باقي سنيني
وأزيد واعطيهم من الروح دعوات
يالله تقبل دعوتي يا معيني
انك تعافيهم طوال السنوات
وان تكتب الراحه لهم كل حيني
أبوي وأمي هم غناتي وهيهات
ياخذ غلاهم من سواهم ثنيني
في حكمة أبويه شموخ وعلامات
وفي رحمة أمي جنةٍ تحتويني
أبوي وأمي غير كل البريات
وابوس يديهم وصافي الجبيني
جبينهم ذاك المشع ب صلاوات
وايدينهم أدفا ما تمسك يديني
راح العمر والله رب السماوات
عالم بحالي بين شك ويقيني
وانا عريب جدود ماني خواجات
من روس قومٍ في المراجل تبيني
واصل وفصل وشيوخ في كل الاوقات
بالوجهه ولا الجاه طالت يميني
لكن بلاني الوقت في بعض الأزمات
واياك ربي نعبد ونستعيني
نصبر على الايام لو هي عسيرات
مادام ربي قد كتب ما يجيني
بيني وبين الله فرض الصلاوات
واخذ على وقت الضحى ركعتيني
وابوي وامي برّهم شرع واثبات
ومخافة الله في ضميري وعيني
وماهمني في الناس حاسد وشمات
ضيف الله بدينه وللناس ديني
واحبابي اللي عاتبوني سلامات
من قول ضيف الله غريب وحزيني
صحيح حزني مثل وزن المنيفات
لكني صبري فوق حزني عويني
ودي بشوفتكم طوال السناوات
وودي بشوفة من يسمى ضنيني
وان ماحصل لي شي بآموت بسكات
لحدٍ على قبري يمر ويجيني
ضيف الله يغني بيوتٍ جزيلات
ماهمني مسحوب ولا هجيني
غنيت من قافي معاناتي أبيات
من هاجسٍ بين الضلوع ايحديني
الشاعر/ضيف الله عبدالرحمن الأحمري>
جميله الابيات ومعانيها ….الله يزيدك برلوالديك ويجلي همك