لا .. يازمن

 

 

لا …يازمن

ياصاح لاتامن زمانك وخاويه
من سلم من ناره بكى من عجاجه

ياكثرميلاته وياكم خوافيه
ياكثرطعناته وياكم هجاجه

دارت رحاته والهنا مابقا فيه
ذبلت به البسمة وهبّا سراجه

تسابق احداثه وتظهربلاويه
أيقظ فِتَن نامت وحطّم سياجه

اقبل بوجهٍ عابسٍ والغضب فيه.
كشّر عن انيابه وقلّب مزاجه

احزانه ابروق الدُجا في لياليه
ارسل شُهب ناره وبان اندراجه

لايازمن عالَمك قاصي ودانيه
يغلي وماه العذب خالط أُجاجه

ظلمٍ وتشريدٍ وقتلٍ يقاسيه
أطناب مالت بان فيها انفراجه

لكن أملنا في عظيمٍ عطاويه
ماتنقطع ماخاب من دارحاجه

أدعيك ياوالي ولاغيرك ارجيه
الحال متقلّب .تقيم اعوجاجه

#أحمدناصر
آل عواض>