عسير صحيفة عسير الإلكترونية
صحيفة عسير – سالم عروي الوادعي :
جادة قريحة الشاعر ناصر بن صالح آل عامر الوادعي بقصيدة يرثي فيها المغفور له بإذن الله تعالى الأمير سعود الفيصل بن عبدالعزيز بعد وفاته حيث قال :
يدك الحزن صدري دكيك البكار الشقح
شمال أبرق الكبريت دكت مع الهجعه
عن القاع والمعطان تاهت ورى ام الملح
حداها الزمن والحظ الأقشر ثنا طبعه
يقولون رمح ذياب مافيه مثله رمح
وأنا أقول موت سعود عداه في السمعه
يقولون موته كذب وأقول ليته مزح
عشان الضماير تسلم الحزن والفجعه
يجر الحزن كبدي على شوك غصن الطلح
وكبد طعنها الضيم تبطي وهي وجعه
عليه اتوجد وجد عود ذبحه الجرح
فقد غالي حبه تعدا غلا ربعه
وجودي وجود الي طواه العنا والشح
شكى مالقى من لابته في القسى نفعه
على راعي الناموس شامخ شموخ الصرح
عسى الله يبيحه طيب الذكر والسمعه
حروف القصايد مالها في مداري شرح
قهرها وداع اللي رحيله بلا رجعه
مقام الوفاء والطيب راعي الجناب السمح
رحل والرحيل اكبر من الحزن والدمعه
>
الله يرحمك