اللّٰه ُ أكبر كلمة الحق والدين

شعر : علي محمد فهد المشعلي

اللّٰه ُ أكبر كلمة الحق والدين
شعارنا اللي فاق كل الشعارات
منهاج دولتنا بلاد الحرمين
مكة وطيبة دار ختم الرسالات
اللي بعث منها رسول الثقلين
فخر وكرامة من كبار الكرامات
البعثة اللي بين دعوة وتبيين
والهجرة اللي بين خوف ومسافات
تمّت بحفظ الله ودحر المعادين
ومعها بدت دعوة وصولة وجولات
ومن المدينة من رحاب المحبين
سطع شعاع الحق وأنهى الخرافات
وكمّل الله دين خير النبيين
وصار منهج لأهل الحق واثبات
وتعاقبت الأجيال من حين ل حين
والحق والباطل صراع ومحطّات
وقامو على نشره رجالٍ تقييين
وقامت على نشره جهود وفتوحات
وبعده طغى نور الجهل عدة سنين
ثم قيّض الله له رجال المهمّات
محمد بن سعود نسل الكريمين
واللي معه ساهم بكل المجالات
يامحمد بن سعود ذكراك لا الحين
مجد تناقله الدّول والسجلّات
إمامنا اللي أسس الدّار بالدّين
ولم الشمل من بعد جهد ومعاناة
أسَّست دولتنا بشرع وقوانين
ولها ثلاث قرون مجد وبطولات
وبصفحة التاريخ صغت العناوين
وبنيت للدولة صروح وحضارات
ولشيخنا محمد فتحت الدواوين
ورحّبت به والخير جا له علامات
مابين شيخ العلم والحق والدين
وبين الزعيم اللي تحدى الصعوبات
فيها اتحد سيف وكفاح الإمامين
وأثمر تعاونهم بخير ومسرّات
تأسيس دولة حسب نهج وبراهين
وساد الأمن بعد الفتن والخلافات
وتكاتفو في خدمة الحق الإثنين
والخير ساد بفضل رب السماوات
وسارو على النّهج الدهاة الميامين
كلٍّ يكمّل ما ابتدوه القَدوَات
جزاهم الله خير ونردد آمين
والخير يبقى له جذور وسلالات
واليوم في عهد الملوك السلاطين
اللي إلى القمة تحث المسيرات
تعمّر الأوطان وتخلّص الدَّين
وتكافح الإرهاب وأهل الضلالات
منا لهم بيعة ووقفة وفيين
تبقى على مر السنين الطويلات
على كتاب الله على العسر واللين
اللي على نهجه وثيق العلاقات
صغت المعاني قدمكم شوف بالعين
الدين يدفعني وحب القيادات
والمعذرة مهما نسطّر دواوين
ومهما نسجّل من عظيم العبارات
مانوفي حقوق الوطن والعظيمين
لكن مشاعر جات في صورة أبيات
وختامها صلّو معي يامحبين
على النبي أزكى وأتم الصلوات