عسير صحيفة عسير الإلكترونية
بقلم: علي مهدي العمري
انا معك وافي من سنين للحين
صادق ولا احب الغوى والمقاوى
وانا على مبداي وانت تعرفه زين
صدق وولاء وطيب راس ومخاوى
امشي معك في الحال ماقول لك وين
واعتبرك من الروح مسكن وماوى
وغلاك عندي راجحن بالموازين
يشهد علي رب الأَرضْ والسماوى
لكن بعض العند مبغوضٍ وشين
يترك جروحن صعبن انها تداوى
بادر وخل العند يا كامل الزين
خابرك طيّب ماتحب الملاوى
اختار والله خيرك ……بين أمرين
اما الوصل ولا بقطع……. العراوى
ان طعتني في الحال ماهوب بعدين
قل مرحبا بك يا بعيد……. الهقاوى
وحنا ترانا طيبين…….. وسمحين
نقدر العشرة ونعطي……. الهداوى
ون قلت لي لا عاد تبعد عن العين
تامر أمر ماعاد……… فيها مراوى
ابو فراس العمري
